Níor aimsíodh aon torthaí a mheaitseálann “”.
Seiceáil cé acu atá nó nach bhfuil an litriú ceart agus na mionsonraí cearta agat nó léigh an treoir uainn thíos maidir leis an gClár a chuardach.
Maidir leis an gClár Poiblí Carthanas
Is atá sa Chlár Poiblí Carthanas ná faisnéis faoi níos mó ná 11,500 carthanas atá cláraithe leis an Rialálaí Carthanas.
Tar éis cuardach a dhéanamh, ba cheart go bhfaighfeá sonraí cuimsitheacha faoi charthanas, lena n-áirítear a chuspóir carthanúil agus a chuspóirí carthanúla, a iontaobhaithe (ar a dtugtar comhaltaí boird agus comhaltaí coiste freisin), an líon fostaithe atá aige, na tuarascálacha bliantúla atá comhdaithe aige, a mhéid a chomhlíonann sé an Cód Rialachais do Charthanais, etc.
Is féidir go bhfeicfidh tú ceann amháin de thrí shiombail ar thaifead an charthanais freisin. Leis na siombailí sin, léirítear cé acu a chomhlíon nó nár chomhlíon an carthanas an oibleagáid dhlíthiúil atá air tuarascáil bhliantúil a chur faoi bhráid an Rialálaí Carthanas laistigh de dheich mí ó dheireadh a bhliana airgeadais. Ní bhaineann sé sin ach amháin le tuarascálacha bliantúla a bhí dlite an 2 Aibreán 2025 nó ina dhiaidh.
- Glas: Chuir an carthanas a thuarascáil bhliantúil isteach in am
- Ómrach: Chuir an carthanas a thuarascáil bhliantúil isteach go déanach
- Dearg: Níor chuir an carthanas a thuarascáil bhliantúil isteach ar chor ar bith
Agus carthanas á chuardach agat, seiceáil cé acu atá nó nach bhfuil na sonraí cearta agat. Má tá tú ag déanamh cuardach de réir ainm carthanais, mar shampla, seiceáil arís cé acu atá nó nach bhfuil an litriú ceart agus cé acu atá nó nach bhfuil tú ag úsáid a ainm chláraithe. Tá roinnt carthanas cláraithe faoi ainm dlíthiúil atá difriúil leis an ainm a úsáideann siad dá ngnáthobair laethúil. Má tá suíomh Gréasáin ag carthanas, ba cheart go mbeifeá in ann a shonraí a fháil ar an suíomh sin.
Mura bhfuil tú in ann eagraíocht a aimsiú ar an gClár trí úsáid a bhaint as na sonraí cearta, is amhlaidh nach bhfuil sí cláraithe leis an Rialálaí Carthanas faoi láthair agus nach bhféadfaidh sí carthanas a ghairm di féin faoin Acht Carthanas 2009. Má chreideann tú go bhfuil eagraíocht ag airbheartú gur carthanas í agus nach carthanas í i ndáiríre, is féidir leat ábhar imní a chur in iúl go simplí agus go tapa dúinn trínár bhfoirm ábhar imní ar líne a chomhlánú.