Is é an Rialálaí Carthanas an comhlacht reachtúil neamhspleách atá freagrach as carthanais a oibríonn in Éirinn a chlárú agus a rialáil. Bunaíodh an Rialálaí Carthanas sa bhliain 2014, agus féachann sé le hiontaoibh agus muinín an phobail as rialachas agus bainistíocht carthanas a mhéadú, ag oibriú dó faoi choimirce na Roinne Forbartha Tuaithe agus Pobail.

Áirítear leis na príomhfheidhmeanna atá aige clár poiblí carthanas a chothabháil agus comhlíonadh na nAchtanna Carthanas a chinntiú.  Tá breis agus 11,500 carthanas cláraithe in Éirinn, agus cumhdaíonn siad raon leathan cuspóirí, lena n-áirítear an bhochtaineacht a mhaolú, oideachas a sholáthar, na healaíona a chur ar aghaidh, agus an comhshaol a chosaint.

Tá tuilleadh faisnéise ar fáil ar fud shuíomh Gréasáin an Rialálaí Carthanas.

An Ról

Agus é/í ag tuairisciú don Bhord, soláthróidh an Príomhfheidhmeannach fís, ceannaireacht straitéiseach agus bainistíocht éifeachtach ar fud fheidhmeanna uile an Rialálaí Carthanas chun a chinntiú go gcuirfidh sé ar aghaidh an misean atá aige an earnáil carthanas a rialáil chun leas an phobail, mar atá leagtha amach i bhfeidhmeanna reachtacha na heagraíochta. Oibreoidh an Príomhfheidhmeannach go dlúth le Bord an Rialálaí Carthanas, agus stiúrfaidh sé/sí an Fhoireann Feidhmiúcháin chun príomhfheidhmeanna na heagraíochta a chur i gcrích.  Forbróidh an duine a cheapfar caidrimh tháirgiúla ar gach leibhéal, cuirfidh sé/sí obair an Rialálaí Carthanas chun cinn i measc na leas-sealbhóirí ábhartha uile, agus gníomhóidh sé/sí mar aghaidh phoiblí na heagraíochta.

An Duine

Teastaíonn ón bpost seo ceannaire inspioráideach a bhfuil sártheist air/uirthi laistigh d’eagraíocht ábhartha.  Beidh ag an duine a cheapfar an cumas agus an tiomantas chun cur leis na héachtaí a bhain an Rialálaí Carthanas amach go dtí seo, agus déanfaidh sé/sí formhaoirseacht ar fhorbairt agus cur chun feidhme leanúnach straitéis na heagraíochta trí chaidreamh dinimiciúil oibre a chothú leis an mBord, leis an bhFoireann Feidhmiúcháin agus le gach leas-sealbhóir ábhartha eile.  Beidh tuiscint dhomhain ag an iarrthóir rathúil ar na deiseanna agus na dúshláin a bhaineann leis na gnéithe rialála den earnáil carthanas.  Agus céim ábhartha nó cáilíocht ghairmiúil eile aige/aici, beidh ag an iarrthóir a cheapfar cumas iontach ó thaobh bainistíochta leas-sealbhóirí de agus scileanna eiseamláireacha idirphearsanta agus cumarsáide.

Tá tuilleadh mionsonraí faoin bpost seo agus faoin bpróiseas iarratais ar fáil sa leabhrán d’iarrthóirí. Féach freisin an fhoirm maidir le príomhéachtaí.

Le haghaidh díospóireacht rúnda, déan teagmháil le Luke Freeley, Comhpháirtí, Lansdowne Executive Search, trí ghlao a chur ar +353 (0)87 240 4889.

Is é an dáta deiridh a ghlacfar le hiarratais ná 12:00 Meán Lae, Dé hAoine an 31 Bealtaine 2024.

Is trí phróisis fógraíochta agus trí phróisis chuardaigh feidhmiúcháin araon a fhoinseofar iarrthóirí don ról seo.

Ar aon dul lena bheartas um Éagsúlacht, Comhionannas agus Cuimsiú, tá an Rialálaí Carthanas ag iarraidh buíon chothromaithe iarrthóirí a áirithiú.